Ba al zenekien Erorketa-faktorea izeneko formula bat badela eta erorikoaren larritasuna kalkulatzeko balio duela?

Altuerako lanean prebentzioa oinarrizkoa da istripu larririk ez izateko eta langileen segurtasuna bermatzeko. Arlo horretan, funtsezko kontzeptuetako bat Erorketa-faktorea da. Hori ulertzea nahiz kalkulatzen jakitea ezinbestekoa da altuerako lanetan arriskuak prebenitzearren.

Altuerako lanean prebentzioa oinarrizkoa da istripu larririk ez izateko eta langileen segurtasuna bermatzeko. Arlo horretan, funtsezko kontzeptuetako bat Erorketa-faktorea da. Hori ulertzea nahiz kalkulatzen jakitea ezinbestekoa da altuerako lanetan arriskuak prebenitzearren.

Faktore hori erorketaren altuera librearen eta lotzeko gailuaren luzeraren artean dagoen erlazioak zehazten du; alegia, ainguratze-puntuaren posizioa langileak jarrita duen arnesaren ainguratze-posizioarekin alderatzean ateratzen den neurria da.

Hori kalkulatzeko, erorketaren distantzia erorikoa geldiarazten duen sokaren luzerarekin zatitu behar da. Horretarako, formula hau erabiltzen da: f = h/l. f Erorketa-faktorea da, h erorketaren altuera eta l erorketa geldiarazteko erabilgarri dagoen sokaren luzera.

Erorketa-faktorearen zenbakia zenbat eta handiagoa izan, orduan eta larriagoa izango da erorketa, eta erorikoaren distantzia zenbat eta handiagoa izan, orduan eta handiagoa izango da modu seguruan gelditzeko beharrezkoa den balaztatze-indarra.

Erabiltzaileak jasotzen duen talkaren indarra (F) aldatu egiten da sokaren sekzioaren (S), sokaren elastikotasunaren (E), erabiltzailearen masaren (m) eta erorketa-faktorearen (f) arabera.

Erorketa-faktorearen balio hori 0 eta 2 artekoa da, 0 erorketa-arriskurik gabeko egoera aproposa izanik eta 2 egoerarik txarrena, erorketaren distantzia eskuragarri dagoen sokaren luzeraren bikoitza denean.

Erorketa-faktore altua duen erorketan, sokak energia-kantitate handia hartu behar du erorikoa gelditzeko, eta “malguki” baten moduan jokatu behar du, gelditzeko luzatuz.

Erorketa-faktorea kalkulatzeak langilearen erorketaren inpaktua murrizten ez ezik, segurtasun-ekipoak babesten ere laguntzen du; hots, erorketaren karga jasan behar duten sokak eta ainguratzeak.

Izan ere, prebentzioak esan nahi du ekipamendu egokia izateaz gain, modu eraginkorrean erabiltzen jakin behar dela, arriskuak minimizatu eta lan-ingurune segurua eta osasungarria bermatzeko.